një minutë më parëDy të plagosur në sulmin me thikë në Ferizaj, i dyshuari arratiset
Periskopi(një orë më parë)
(një orë më parë)Një incident me thikë ka ndodhur mëngjesin e sotëm në Ferizaj, ku dy persona dyshohet se janë sulmuar me thikë.
Lajmin për Periskopin e ka konfirmuar zëdhënësi i Policisë së Kosovës për rajonin e Ferizajt, Kanun Veseli.
“Sot, rreth orës 07:50, kemi pranuar informatën se në rrugën “Dëshmorët e Kombit”, në afërsi të Postës Qendrore në Ferizaj, ka ndodhur një incident, ku një person dyshohet se ka sulmuar dy persona me mjet të mprehtë (thikë), të cilët janë transportuar për trajtim mjekësor në Emergjencën e Ferizajt, pasi kanë marrë ndihmën e parë në vendin e ngjarjes nga ekipet mjekësore”, ka thënë ai.
Veseli ka treguar se e i dyshuari për sulmin është larguar në drejtim të panjohur dhe se Policia po punon në identifikimin dhe arrestimin e personit të dyshuar.
"I dyshuari është larguar nga vendi i ngjarjes në drejtim të panjohur. Njësitë policore kanë dalë në vendin e ngjarjes dhe janë duke ndërmarrë veprime intensive hetimore për identifikimin dhe arrestimin e të dyshuarit, si dhe për sqarimin e plotë të rrethanave të rastit.Për informacione shtesë, opinioni publik do të njoftohet përmes raportit vijues”, ka thënë ai./Periskopi/
