Tërmeti 7.1 në Japoni: Çfarë dihet deri më tani

Nëntëmbëdhjetë persona rezultojnë të zhdukur në një qendër tregtare Aeon dhe një fabrikë letre pasi tërmeti me magnitudë 7.1 ballë goditi ishullin Kyushu, tha një zyrtar, ka raportuar BBC.

Tërmeti ka shkaktuar gjithashtu ndërprerje të energjisë elektrike, ka dëmtuar rrugë, ka shembur një mur kështjelle dhe ka shkatërruar një urë këmbësorësh.

Informacionet ende po vijnë nga Japonia, por ja çfarë dimë deri më tani.

Kur dhe ku ndodhi tërmeti në Japoni?

Tërmeti goditi prefekturën Kumamoto në ishullin Kyushu në orën 16:27 sipas kohës lokale (07:27 GMT) të martën, me qindra mijëra njerëz që u thanë të zhvendoseshin në strehimore evakuimi.

Agjencia Meteorologjike e Japonisë (JMA) raportoi se tërmeti kishte një magnitudë prej 7.1 ballë, të cilën Shërbimi Gjeologjik i SHBA-së më vonë e mati si 6.8. Shifrat e magnitudës së tërmetit shpesh përditësohen ndërsa sizmologët marrin dhe analizojnë të dhëna të reja.

Kumamoto – ku ndodhet qendra tregtare Aeon e shembur – është një qytet në ishullin Kyushu të Japonisë.

Ishulli jugor i Kyushu është i treti më i madh nga katër ishujt kryesorë në Japoni dhe i dyti më i populluar.

Prefektura Kumamoto nuk është e panjohur me tërmetet.

Një total prej 278 personash u vranë në vitin 2016 nga tërmetet e fuqishme në Kumamoto dhe prefekturat fqinje të Oitës, sipas transmetuesit publik japonez NHK.