5 minuta më parëImer Mushkolaj kritikon KPM-në: Kërkesat për mbylljen e emisioneve televizive janë mendësi totalitare
Periskopi(2 orë më parë)
(2 orë më parë)Analisti politik Imer Mushkolaj ka reaguar ashpër ndaj deklaratave të bëra nga anëtarë të Komisioni i Pavarur i Mediave, duke kundërshtuar çdo ide për mbylljen e emisioneve televizive për shkak të përmbajtjes së tyre kritike ndaj pushtetit.
Përmes një postimi publik, Mushkolaj përmendi veçanërisht nënkryetaren e KPM-së, Drita Morina, duke thënë se anëtarët e institucionit mund të shfaqin joprofesionalizëm dhe dëshirë për të mbyllur emisione si “Debat Plus”, por sipas tij, një gjë e tillë nuk do të ndodhë.
“Anëtarë të Komisionit të Pavarur të Mediave (KPM), si nënkryetarja Drita Morina, munden edhe t’i shfaqin joprofesionalizmin dhe dëshirën për të mbyllur emisione televizive, siç është ‘Debat Plus’, por një gjë e tillë nuk do të ndodhë asnjëherë.”
Postimi i plotë:
Anëtarë të Komisionit të Pavarur të Mediave (KPM), si nënkryetarja Drita Morina, munden edhe t’i shfaqin joprofesionalizmin dhe dëshirën për të mbyllur emisione televizive, siç është “Debat Plus”, por një gjë e tillë nuk do të ndodhë asnjëherë.
KPM duhet ta kuptojë se ekzistojnë procedura të qarta ligjore se si adresohen dhe zgjidhen ankesat e palëve.
Kurse, deklaratat idioteske që kërkojnë mbyllje emisionesh vetëm pse dikush kritikon pushtetin, i takojnë një mendësie totalitare dhe të rrezikshme. Ndonjëherë shpërfaqin edhe budallallëk.
Besoj kjo zonja e mban mend mirë kohën kur janë mbyllur media dhe nga kush janë mbyllur. Ajo kohë nuk do të kthehet kurrë.
