4 minuta më parëErmal Panduri: Nëse dikush mendon se Debat Plus mund të ndalet me presion e ka keqkuptuar historinë
Periskopi(2 orë më parë)
(2 orë më parë)Autori i “Debat Plus”, Ermal Panduri ka njoftuar se Komisioni i Pavarur i Mediave në një nga mbledhjet e tij ka diskutuar për ndalimin e këtij emisioni.
Madje, Panduri ka bërë të ditur se ka qenë nënkryetarja e KPM-së, Drita Morina ajo e cila ka paralajmëruar ndalimin e Debat Plus-it.
Ai ka thënë se nëse ka nga ata që mendojnë se ky emision mund të ndalohet me presion e kërcënime, sipas tij kanë keqkuptuar historinë e emisionit, dhe se Debat Plus ka mbijetuar pikërisht për shkak se nuk i ka takuar asnjë pushteti.
“Dmth sot KPM paska fol qysh me e ndalu transmetimin e Debat Plus-it! Pushka top ju boft’. Kjo është Drita Morina, nënkryetarja e KPM që paralajmëroi ndalimin e Debat Plus! Nëse dikush mendon se Debat Plus mund të ndalet me presion, vendime apo kërcënime, e ka keqkuptuar krejt historinë e këtij emisioni. Debat Plus ka mbijetuar sepse nuk i ka takuar asnjë pushteti. Do të vazhdojë pikërisht për të njëjtën arsye”, ka shkruar Panduri në Facebook.
Postimi i plotë:
Kjo eshte Drita Morina, nenkryetarja e KPM qe paralajmeroi ndalimin e Debat Plus!
Nese dikush mendon se Debat Plus mund te ndalet me presion, vendime apo kercenime, e ka keqkuptuar krejt historine e ketij emisioni.
Debat Plus ka mbijetuar sepse nuk i ka takuar asnje pushteti.
Do te vazhdoje pikerisht per te njejten arsye.
