Liburn Aliut i rritet rroga për 900 euro në UBT, a ndikoi Memorandumi i Bashkëpunimit i nënshkruar muaj më parë?

Me 31 Mars të këtij viti, Aliu e ka dorëzuar formularin e pasurisë në AKK për pasurinë e tij deri më atë datë. Në këtë formular përsëri është deklaruar paga që merr në UBT. Fiks 2,040.00 euro. është shuma e rrogës që ka shënuar për të cilën ka thënë se e merr neto në muaj nga ky kolegj.

Më 31 Mars të vitit 2021, kjo shumë ka qenë në vlerë prej 1128 euro, ose 900 euro më pak se sa deklarimi i fundit. Pra paga prej profesor në UBT ia ka kaluar edhe për një herë asaj që e merr si ministër, të cilën e ka në vlerë prej 1074 euro.

Në krahasim me ministrin Aliu, disa prej kolegëve të tij, nuk u është rritur rroga, bile u është zvogëluar. Kjo është vërtetuar më një kërkim të thjeshtë nga Periskopi.

Aty të punësuar e ka bashkëshorten edhe ministri i Punëve të Brendshme, Xhelal Sveçla. Në deklarimin e tij të pasurisë të vitit 2021, ministri ka shkruar se gruaja merr pagë nga Kolegji  në një vlerë prej 20,400.00 euro -neto në vit.

Në deklarimin e fundit, ministri ka shkruar se ajo ka një pagë neto në vit në vlerë prej 16,800.00 euro.

Profesor në “UBT” punon edhe deputeti i LVV-së, Mirsad Shkreta. Këtij nuk i ka lëvizur rroga në krahasim me deklarimin e vitit paraprak. E ka deklaruar të njëjtë, në vlerë prej 12,576.00 euro neto në vit.

Dekalrimi i Shkretës, 2022:

Deklarimi, 2021:

Aliu dhe Rektori i “UBT”, para tre muajve, kanë nënshkruar një marrëveshjen që përcakton kornizat e bashkëpunimit institucional në mes të Ministrisë së Mjedisit, Planifikimit Hapësinor dhe Infrastrukturës dhe Kolegjit “UBT”, në fushat e interesit të përbashkët, për hartimin, aplikimin dhe zbatimin e projekteve, elaborateve dhe studimeve të përbashkëta, hulumtime shkencore, organizimin dhe realizimin e forumeve profesionale, konferencave dhe simpoziumeve shkencore, realizimin e këshillimeve profesionale reciproke, ofrimin e mundësive për realizimin e praktikës profesionale për studentët, etj.

Lidhur më këtë marrëveshje ka raportuar ekskluzivisht Periskopi. Kishte reaguar edhe shoqëria civile, duke kërkuar llogari nga ministri, i cili këtë e ka arsyetuar duke thënë se një marrëveshje të njëjtë do ta nënshkruajë edhe me Universitetin e Prishtinës. /Periskopi/