36 minuta më parëBën vaki edhe kjo: Voziti me patentë të ndaluar, i konfiskohet BMW-ja
Periskopi(një orë më parë)
(një orë më parë)Një shofer në Ferizaj është ndëshkuar me gjobë, pikë negative dhe masa shtesë pasi është kapur duke vozitur mbi shpejtësinë e lejuar në rrugën magjistrale në fshatin Gërlicë, bëri të ditur Policia Rajonale e Ferizajt.
Sipas policisë, rreth orës 19:50, njësia e Komunikacionit Rrugor ka ndaluar një automjet BMW 118 me targa vendore, pasi gjatë matjes është konstatuar se shoferi SH.B. (30 vjeç) po lëvizte me 82 km/h në një zonë ku kufizimi i shpejtësisë është 50 km/h.
“Gjatë kontrollit është konstatuar se shoferi po drejtonte automjetin me shpejtësi mbi kufirin e lejuar,” thuhet në njoftimin e policisë.
Gjithashtu, gjatë verifikimeve ka rezultuar se ndaj shoferit ishte aktive një masë mbrojtëse për ndalim të drejtimit të automjetit në periudhën 12.03.2026 – 11.03.2027.
Për shkeljen e konstatuar, ndaj tij janë shqiptuar disa masa ndëshkuese, përfshirë gjobë në vlerë prej 500 euro, 5 pikë negative, vazhdim të ndalimit të drejtimit të automjetit edhe për 6 muaj, si dhe konfiskim të veturës.
Policia Rajonale e Ferizajt ka paralajmëruar se do të vazhdojë me kontrolle të shtuara në trafik, me qëllim rritjen e sigurisë rrugore dhe respektimin e rregullave të komunikacionit.
Autoritetet gjithashtu kanë bërë thirrje për bashkëpunim nga qytetarët, duke i ftuar të raportojnë shkeljet në trafik përmes numrit 192, linjave 0290/326-250 dhe 0290/322-406, si dhe aplikacionit “Lajmëro Policinë”.
