Lideri suprem i Iranit bën thirrje për hakmarrje pas vrasjes së babait të tij

Në një deklaratë të lexuar në televizionin shtetëror, ai tha se hakmarrja është “vullneti i popullit”.

Kjo ishte deklarata e tij e parë publike që nga nisja e ceremonive mortore për babain e tij këtë javë.

Ali Khamenei u vra më 28 shkurt në një sulm ajror, në ditën e parë të luftës mes SHBA-së dhe Izraelit kundër Iranit, shkruan BBC, .

Gjatë ditëve të fundit, shumë iranianë që kanë marrë pjesë në ceremonitë mortore kanë mbajtur pankarta me thirrje kundër presidentit amerikan Donald Trump.

Ky i fundit paralajmëroi të shtunën se çdo plan për hakmarrje ndaj SHBA-së do të sillte reagim të ashpër, duke kërcënuar se do të “shkatërronte të gjitha zonat” e Iranit.

Megjithatë, në deklaratën e tij, Mojtaba Khamenei mbajti një qëndrim të prerë, duke thënë se Irani do të hakmerret për vrasjen e udhëheqësit të vrarë dhe të viktimave të dy luftërave.

“Ne zotohemi të marrim hak për gjakun e udhëheqësit martir dhe të gjithë martirëve të këtyre dy luftërave nga vrasësit kriminalë dhe të turpëruar”, citohet të ketë thënë ai.

Ai shtoi se çështja nuk varet nga ekzistenca e tij personale apo e zyrtarëve të tjerë, duke deklaruar se hakmarrja do të ndodhë pavarësisht nëse ata do të jenë apo jo në pushtet./Periskopi