9 minuta më parëFtesa e Haxhiut për përgatitjen e seancës konstituive, PDK dhe AAK i çojnë nënkryetarët
Periskopi(një orë më parë)
(një orë më parë)Kuvendi i Kosovës përmes një njoftimi pak më herët tha se të premten e kësaj jave ushtruesja e detyrës së presidentes, Albulena Haxhiu, do t’i takojë krerët e partive politike për përgatitjen e seancës konstituive.
Por, në këtë takim nga PDK dhe AAK s’do të shkojnë liderët e partive.
Nënkryetarja e PDK’së, Vlora Çitaku, konfirmoi për Gazetën Express se ajo do të marrë pjesë në këtë takim, transmeton Periskopi.
Po ashtu, zëdhënësi i AAK’së, Kushtrim Xhemaili, tha se partia do të përfaqësohet nga nënkryetari, Besnik Tahiri.
Takimi vjen një ditë pas Kuvendit të jashtëzakonshëm të LDK’së ku do të përcaktohet udhëheqësia e kësaj partie.
Gazeta provoi të kontaktojë edhe me këtë parti nëse marrin pjesë në këtë takim, por s’ishin të qasshëm.
“Të premten, më 31 korrik, mbahet mbledhja e përbashkët e kryetares së Kuvendit, Albulena Haxhiu, me kryetarët e subjekteve politike. Rendi i ditës: Përgatitjet për Seancën konstituive të Legjislaturës XI të Kuvendit të Republikës së Kosovës”, tha Kuvendi në njoftim.
