25 minuta më parëVulaj: Gazi amerikan çështja më e rëndësishme, jemi në një udhëkryq me pasoja të mëdha
Periskopi(2 orë më parë)
(2 orë më parë)Kryetari i Këshillit Shqiptaro-Amerikan, Martin Vulaj, ka deklaruar se marrëdhëniet ndërmjet Kosovës dhe Shteteve të Bashkuara të Amerikës po kalojnë një periudhë të ndjeshme dhe me sfida të shumta, duke përmendur edhe çështjen e gazit amerikan.
Vulaj tha se së fundmi janë shënuar disa fërkime në raportet dypalëshe, të cilat sipas tij kanë ndikuar në dinamikën e bashkëpunimit mes dy vendeve.
“[Çështja e gazit amerikan] nuk është dashtë me u bë, por është bërë një çështje e ndjeshme, edhe qysh prej Pavarësisë, është çështja më e rëndësishme kisha me thënë, në raport me marrëdhëniet e Shteteve të Bashkuara të Amerikës. Kosova kohëve të fundit ka pasur një seri fërkimesh me ShBA-në, që ka ndikuar në marrëdhëniet tona të përbashkëta, dhe kanë pasur disa shkundje, si për shembull pezullimi i MSC-së për një kohë, dhe tani pezullimi i dialogut strategjik. Besoj se jemi në një udhëkryq të rëndësishëm që ne duhet të kemi shumë kujdes”, deklaroi Vulaj në Klan Kosova.tv, transmeton Periskopi.
Ai shtoi se nëse Kosova nuk e gjen së shpejti zgjidhjen e duhur, sipas tij, vendi do të jetë në tryezën e presidentit amerikan, Donald Trump, e siç thotë ai, “jo për të mirë”./Periskopi
