38 minuta më parëJurgen Klopp kritikon ashpër Kupën e Botës: Futbolli po mbahet peng, pauzat e hidratimit janë “kosh i artë” për sponsorët
Periskopi(6 ditë më parë)
(6 ditë më parë)Ish-trajneri i Liverpool-it, Jürgen Klopp, ka kritikuar ashpër mënyrën se si po organizohet futbolli modern, duke vënë në shënjestër veçanërisht “pauzat e hidratimit” gjatë ndeshjeve të Kupës së Botës.
Në një deklaratë për transmetuesin gjerman ZDF, Klopp u shpreh se futbolli “mbahet peng nga drejtues të mbyllur në zyra me ajër të kondicionuar”.
Sipas tij, pauzat e hidratimit, të prezantuara si masë për mirëqenien e lojtarëve, në realitet nuk shërbejnë për këtë qëllim, por janë kthyer në një mjet të lidhur me interesat komerciale.
“Na janë prezantuar si mburojë për mirëqenien e lojtarëve, por në fakt nuk janë gjë tjetër veçse një thes i artë i ndërtuar për sponsorët”, tha Klopp.
Ai shtoi se gjatë ndeshjeve ka vërejtur lojtarë që qëndrojnë të palëvizur për shkak të nxehtësisë gjatë këtyre ndërprerjeve, ndërsa ritmi i lojës, sipas tij, diktohet nga reklamat.
“Për kë punon realisht Kupa e Botës? Për tifozët, për lojtarët apo për reklamuesit?”, u shpreh më tej ish-trajneri gjerman.
Deklaratat e Klopp vijnë në një moment kur debati mbi ndikimin e reklamave dhe ndërprerjeve të lojës në futbollin elitar po bëhet gjithnjë e më i fortë.
