6 minuta më parëInteresim rekord për Botërorin 2026, shifrat e FIFA's flasin qartë
Periskopi(4 orë më parë)
(4 orë më parë)FIFA ka njoftuar se biletat për ndeshjet e Kupës së Botës 2026 janë pothuajse tërësisht të shitura, me shkallën e mbushjes së stadiumeve që ka arritur në 99.54 për qind.
Sipas gazetarit Rob Harris, organizatorët e turneut kanë publikuar statistika që tregojnë se pas zhvillimit të 36 prej gjithsej 104 ndeshjeve, numri total i tifozëve të pranishëm në stadiume ka arritur në 2,307,947, me një mesatare prej 64,110 spektatorësh për ndeshje.
Megjithëse stadiumet në Amerikën e Veriut në përgjithësi janë dukur të mbushura, në disa takime janë vërejtur ende sektorë të zbrazët, madje në raste të caktuara me mijëra ulëse të paplotësuara, raporton Telegrafi, transmeton Periskopi.
FIFA fillimisht e shpjegoi këtë fenomen me faktin se shumë tifozë qëndronin në hapësirat e brendshme të stadiumeve dhe nuk kishin zënë vendet e tyre deri në fillimin e ndeshjeve.
Shifrat e publikuara nga FIFA konfirmojnë interesimin e jashtëzakonshëm për Botërorin 2026, i cili po tërheq numra rekord të spektatorëve në stadiumet e Shteteve të Bashkuara, Kanadasë dhe Meksikës./Periskopi
