Dështon të nisë gjykimi ndaj 21 të akuzuarve për dëbimin e mbi 800 mijë shqiptarëve gjatë vitit 1999
7 minuta më parë“Shpata e Artë’’ – KFOR, EULEX, Policia do zhvillojnë ushtrim të përbashkët, merr pjesë edhe FSK
Periskopi(2 orë më parë)
(2 orë më parë)Më 2 dhe 3 korrik 2026, personeli i misionit të udhëhequr nga NATO-ja, KFOR, EULEX, Policia e Kosovës dhe Agjencia për Menaxhimin e Emergjencave, do të zhvillojnë një ushtrim të përbashkët në Kampin Vrelo, të quajtur “Shpata e Artë 2026”.
KFOR, ka njoftuar edhe se, në ushtrim do të marrë pjesë edhe Forca e Sigurisë së Kosovës, në përputhje me mandatin e saj fillestar për mbrojtje civile.
“Golden Sabre 2026” do të përfshijë angazhimin e një numri të konsiderueshëm personeli, automjetesh dhe pajisjesh në zonën ku do të zhvillohet ushtrimi, si dhe në afërsi të saj dhe përgjatë rrugëve kryesore përreth.
Ky ushtrim do të testojë zbatimin e kapaciteteve, aftësive dhe procedurave për menaxhimin e krizave në një sërë skenarësh kompleksë të sigurisë, përfshirë edhe ata që lidhen me trajtimin dhe asgjësimin e sigurt të mjeteve shpërthyese dhe materialeve të rrezikshme.
“Ky ushtrim i përbashkët simbolizon angazhimin tonë të vazhdueshëm dhe të fortë për të nxitur bashkëpunimin dhe koordinimin e ndërsjellë, në të mirë të të gjithë njerëzve që jetojnë në Kosovë”, theksoi komandanti i KFOR-it, gjeneralmajori Özkan Ulutaş.
