22 minuta më parëPërurohet Ballkoni Panoramik në Gjocaj të Junikut
Periskopi(një orë më parë)
(një orë më parë)Në komunën e Junikut është bërë përurimi i projektit Ballkonit Panoramik në fshatin Gjoca.
"Ballkoni Panoramik është dizajnuar për t'u shërbyer të gjithë qytetarëve dhe turistëve vendas e të huaj që zgjedhin të vizitojnë Junikun. I pozicionuar në një pikë strategjike në fshatin Gjocaj, ai ofron një hapësirë ku vizitorët mund të shkrepin fotografi të bukura për t'u mbetur si kujtim, duke shijuar njëkohësisht pamjen magjepsëse të natyrës së Junikut dhe peisazhit të gjerë të Rrafshit të Dukagjinit", thuhet mes tjerash në njoftimin e komunës.
Njoftimi i plotë:
Përurohet Ballkoni Panoramik në Gjocaj të Junikut
Sot, në një atmosferë të veçantë festive ku po mbahet festivali “Kah Drita”, është bërë përurimi i projektit Ballkonit Panoramik në fshatin Gjocaj të Junikut. Ky investim i ri pritet t'i japë një hov të mëtejshëm turizmit lokal dhe të kthehet në një pikë ndalese të dëshirueshme për çdo vizitor.
Në ceremoninë e përurimit morën pjesë figura të rëndësishme të nivelit lokal dhe atij qendror, si dhe përfaqësues të shoqërisë civile. Të pranishëm për të prerë shiritin e kësaj vepre ishin Kryetari i Komunës së Junikut, z. Ruzhdi Shehu, Drejtori i organizatës për trashëgimi kulturore (CHwB Kosova), z. Sali Shoshi, dhe Zëvendësministri në Ministrinë e Administrimit të Pushtetit Lokal, z. Agon Batusha.
Ky ballkon u jetësua përmes projektit të përbashkët “Mirdita Junik”, i cili mbështetet financiarisht nga Bashkimi Evropian në kuadër të programit për bashkëpunim ndërkufitar Shqipëri - Kosovë. Zbatimi i këtij projekti u bë i mundur falë një partneriteti të suksesshëm mes CHwB Kosova, Komunës së Junikut, Bashkisë së Mirditës dhe UET Center.
Një dritare drejt bukurive të Dukagjinit
Ballkoni Panoramik është dizajnuar për t'u shërbyer të gjithë qytetarëve dhe turistëve vendas e të huaj që zgjedhin të vizitojnë Junikun. I pozicionuar në një pikë strategjike në fshatin Gjocaj, ai ofron një hapësirë ku vizitorët mund të shkrepin fotografi të bukura për t'u mbetur si kujtim, duke shijuar njëkohësisht pamjen magjepsëse të natyrës së Junikut dhe peisazhit të gjerë të Rrafshit të Dukagjinit.
Me këtë atraksion të ri, Juniku po e forcon edhe më shumë pozitën e tij si një nga destinacionet më të rëndësishme të turizmit malor dhe kulturor në Kosovë.
