Kurteshi i VV’së sulmon vendimet e Komunës së Gjilanit: Prona publike po i falet Bashkësisë Islame

Kurteshi këtë vendim të Kuvendit Komunal e ka cilësuar atë si të kundërligjshëm dhe në kundërshtim me interesin publik.

“Kryetari i Komunës, përmes KK në Gjilan pati dorëzuar për shqyrtim në Kuvendin e Komunës, për seancën e 26 qershorit 2026, propozim-vendimin për dhënien në shfrytëzim për 99 vjet, 75 hektarë tokë, biznesit nga komuna e Ferizajit, i themeluar para dy muajve, (me 24 prill 2026). Ky propozim - vendim u shty për më vonë, sepse në seancën e 26 prillit u fut në rend dite një propozim tjetër i kundër ligjshëm të cilin Kryetari i Komunës ka bërë përpjekje ta kalojnë në legjislaturën e kaluar të Kuvendit Komunal”.

“Për seancën e Kuvendit të Komunës së Gjilanit, të thirrur për datën 26 qershor 2026, me kërkesën e Kryetarit të Komunës, z. Alban Hyseni është fut në rend të dite pika që ka të bëjë me dhënien në shfrytëzim, Bashkësisë Islame, të objekteve sociale të njohura me emrin “Fshati i Lumtur”, ky investim i një kompleksi godinash, që ishte donacion i Shtetit të Kuvajtit, në një sipërfaqe prej rreth tre hektarësh në pronë publike, ku janë të ndërtuara dhe mobiluara nëntë objekte, me funksione të ndryshme, që i janë dedikuar personave në nevojë, jetimëve, pleqve etj”.

“Vlen të theksohet se Kuvendi Komunal i Gjilanit, në përbërjen e kaluar, duke e pas parasysh nevojën e madhe për këto objekte, për kategoritë e lartpërmendura, dy vite radhazi ka nda buxhet për funksionalizimin e këtij kompleksi, por mjetet nuk janë shfrytëzuar, sepse Kryetari i Komunës, qysh atëherë e ka sjellë në rend dite të seancave së Kuvendit, faljen e “Fshatit të Lumtur” Bashkësisë Islame, mirëpo Kuvendi Komunal atëherë e pati refuzuar kërkesën e kryetarit, si të paarsyeshme dhe kundër ligjore”, ka shkruar ndëe të tjera ai.