“Nuk ishte pjesë e luftës”, Familja e Selmanit në pritje të MPJD-së për ndihmë

Ai tha se, pavarësisht se e ka kontaktuar Ministrinë e Punëve të Jashtme, nuk ka marrë përgjigje apo ndihmë konkrete.

Selmani njëherësh ka kërkuar angazhim më të madh nga institucionet e Kosovës për sigurimin e dokumenteve që, sipas tij, dëshmojnë pafajesinë e babait të tij.

"Për fat të keq unë që vetë jam deklaruar në Ministrinë e Punëve të Jashtme te një zyrtare të enjten, nga ai moment më kurrkush nuk më ka kontaktuar, askush nuk më ka thirrur. Po tentoj të lidhem me Ministrinë e Punëve të Jashtme dhe Ministrinë e Mbrojtjes që të më ndihmojnë te NATO-ja dhe OSBE-ja për t’i siguruar këto dokumente, pasi janë në arkivat e tyre”, ka deklaruar ai, në Klan Kosova, transmeton Periskopi.

Sipas Selmanit, e vetmja mbështetje konkrete deri më tani ka ardhur nga ambasadori i Kosovës në Beograd, të cilin e ka vlerësuar për bashkëpunim./Periskopi