7 minuta më parëHelmimi masiv në Han të Elezit, Policia: Janë trajtuar rreth 80 persona, është njoftuar IKShPK
Periskopi(një orë më parë)
(një orë më parë)Rreth 80 persona dyshohet se janë helmuar nga konsumimi i ushqimit fast-food në Han të Elezit.
Sipas burimeve të Klankosova.tv brenda QKMF-së së këtij qyteti, rreth 80 persona kanë kërkuar trajtim mjekësor për shkak të helmimit nga ushqimi, transmeton Periskopi.
Ushqimet nga të cilat dyshohet se janë helmuar janë picat dhe sendviqët.
Lajmin e ka konfirmuar edhe zëdhënësi i Policisë së Kosovës për rajonin e Ferizajt, Kanun Veseli. I njëjti tha se nga 13 korriku deri më 15, janë trajtuar rreth 80 persona me simptoma të diarresë dhe vjelljes.
“Ju njoftojmë se, sipas të dhënave të pranuara nga Qendra Kryesore e Mjekësisë Familjare në Han të Elezit, nga data 13.07.2026 deri më 15.07.2026, janë trajtuar rreth 80 persona me simptoma të diarresë dhe vjelljes. Lidhur me këtë situatë janë njoftuar edhe institucionet përkatëse, përfshirë Institutin Kombëtar të Shëndetësisë Publike të Kosovës (IKShPK), të cilat janë duke e trajtuar rastin. Këto janë informacionet e pranuara nga QKMF në Han të Elezit. Ndërkohë, ju njoftojmë se në policinë rajonale të Ferizajt, deri në këtë moment, nuk është raportuar asnjë rast lidhur me këtë çështje”, tha Veseli.
