12 minuta më parëVdekja tragjike e të riut në vendin e punës në Prizren, Policia: Së paku një person u ndalua për 48 orë
Periskopi(15 orë më parë)
(15 orë më parë)Një person është ndaluar për 48 orë pas vdekjes së Valmir Morinën, 25-vjeçarit nga Drenoci i Malishevës, i cili humbi jetën si pasojë e një aksidenti të rëndë në vendin e punës në Prizren.
Zëdhënësi i Policisë për rajonin e Prizrenit, Shaqir Bytyqi tha se i riu u dërgua pa shenja jete në Qendrën e Mjekësisë Familjare “Arbana” në Prizren” rreth orës 09:00 të mëngjesit.
Bytyqi tha se njësitë policore kanë dalë menjëherë në Emergjencë dhe në vendin e ngjarjes, dhe sipas informatave fillestare të siguruara nga dëshmitarët, dyshohet se viktima, derisa ishte duke punuar në një objekt ndërtimi, gjatë procesit të betonimit është goditur nga një pjesë e pajisjes së punës, me ç’rast ka pësuar lëndime fatale dhe ka humbur jetën në vendin e ngjarjes.
“Deri më tani, së paku një person është ndaluar për 48 orë si person i dyshuar”, tha ai.
Ai tha se Policia, në koordinim me Inspektoratin e Punës po ndërmarrin të gjitha veprimet e nevojshme hetimore me qëllim të sqarimit të plotë të rrethanave të rastit.
