Kosova rrezikon t’i humbë 60 milionë euro nga Plani i Rritjes nëse deri më 30 qershor s’i miraton reformat e kërkuara

Në rast të mosrealizimit të reformave të tjera deri në fund të vitit, Kosova rrezikon të humbasë edhe mbi 165 milionë euro shtesë nga fondet e BE-së.

Kosova rrezikon t’i humbasë rreth 60 milionë euro në fund të këtij muaji nga Plani i Rritjes i Bashkimit Evropian.

Vendi nuk ka arritur deri më tani t`i zbatojë 13 hapat e parë reformues, derisa më 30 qershor është afati i fundit për ta bërë këtë.

Qeveritarët fajin ia patën lënë mungesës së institucioneve funksionale.

Për t`i zbatuar reformat e nevojshme, përfaqësuesit e popullit do të duhej t`i miratonin në kohë disa ligje, por ngërçi politik e ka ngadalësuar dhe bllokuar miratimin e tyre.

Humbja e milionave të BE-së vlerësohet si goditje për ekonominë, transmeton rtk, përcjell Periskopi.

11 hapat e parë reformues të cilët Kosova duhet t’i zbatojë deri më 30 qershor kanë të bëjnë me sundimin e ligjit, qeverisjen, zhvillimin ekonomik, tranzicionin e gjelbër dhe digjital.

Në dhjetor të këtij viti është afati i fundit për 27 reforma të tjera, moszbatimi i të cilave do t’ia humbasë vendit mbi 165 milionë euro të tjera.

Deri në fund të 2027-s, BE ka paraparë mbi 880 milionë euro grante dhe kredi për Kosovën , në rast se zbatohen kushtet e vendosura nga ajo.

Video: KËTU