11 minuta më parëProkuroria e Pejës kërkon paraburgim për dy persona të dyshuar për ryshfet në procesin zgjedhor në Gorozhdevc
Periskopi(një orë më parë)
(një orë më parë)Prokuroria Themelore në Pejë, Departamenti për Krime të Rënda, ka paraqitur kërkesë për caktimin e masës së paraburgimit ndaj dy personave të arrestuar gjatë ditës së djeshme, nën dyshimin për përfshirje në veprën penale “Marrja ose dhënia e ryshfetit lidhur me votimin”.
Sipas njoftimit, dyshohet se të ndaluarit kanë kryer veprën penale në fshatin Gorozhdevc të komunës së Pejës, gjatë procesit zgjedhor, pas së cilës janë arrestuar nga Policia e Kosovës.
Prokuroria ka bërë të ditur se, në koordinim me organet e zbatimit të ligjit, do të ndërmarrë të gjitha veprimet e nevojshme hetimore për ndriçimin e plotë të rastit dhe sigurimin e provave relevante.
“Sipas dyshimeve fillestare, të ndaluarit kanë kryer veprën penale të lartcekur në fshatin Gorozhdevc të komunës së Pejës, pas së cilës janë arrestuar nga Policia e Kosovës. Prokuroria Themelore në Pejë, në koordinim me organet kompetente të zbatimit të ligjit, do t’i ndërmarrë të gjitha veprimet e nevojshme hetimore me qëllim të ndriçimit të plotë të kësaj çështjeje penale dhe sigurimit të provave relevante”. / Periskopi/
