FSK nis operacionin e kërkim-shpëtimit për personin e zhdukur në Liqenin e Batllavës

Lajmin e ka konfirmuar Vëllazërim Qerimi nga FSK-ja ku tha se, pas pranimit të informacionit nga Qendra e Situatave e Republikës së Kosovës, ekipi i kërkim-shpëtimit në ujëra i Gardës Kombëtare të FSK-së do të nisë operacionin për lokalizimin e personit të raportuar të zhdukur.

Qerimi poashtu bëri të ditur se operacioni do të zhvillohet në koordinim me institucionet e tjera të angazhuara në terren, të cilat tashmë kanë nisur kërkimet.

Periskopi ka raportuar gjatë ditës ka raportuar lidhur me këtë rast nga burimet e veta.

Sipas Policisë së Kosovës, rreth orës 13:00 është pranuar një informatë se ai ka hyrë në ujë dhe më pas nuk është parë të dalë.

Ndryshe lajmin për Periskopin e ka konfirmuar zëdhënësi i Policisë për rajonin e Prishtinës, Enis Pllana.

"Rreth orës 13:00, Policia ka pranuar informatën se një person dyshohet se ka hyrë në ujë në Liqenin e Batllavës dhe më pas nuk është parë të dalë.", ka thënë Pllana.

Ai ka bërë të ditur se rreth orës 13:00 ka pranuar informatën se një person dyshohet se ka hyrë në ujë në Liqenin e Batllavës dhe më pas nuk është parë të dalë.

"Menjëherë pas pranimit të informatës, janë angazhuar të gjitha njësitë relevante policore, si dhe njësitë e tjera të kërkim-shpëtimit, me qëllim të lokalizimit të personit. Aktualisht, operacioni i kërkimit dhe shpëtimit është duke vazhduar", thuhet në njoftimin e Policisë./PERISKOPI/