një minutë më parëDeklarohen nga Policia për rastin në Batllavë: Një person ka hyrë në ujë dhe më nuk ka dalur
Periskopi(2 orë më parë)
(2 orë më parë)Një person dyshohet se është zhdukur në Liqenin e Batllavës, ndërsa ekipet e kërkim-shpëtimit janë angazhuar në terren për lokalizimin e tij, raporton Periskopi.
Lajmin për Periskopin e ka konfirmuar zëdhënësi i Policisë për rajonin e Prishtinës, Enis Pllana.
"Rreth orës 13:00, Policia ka pranuar informatën se një person dyshohet se ka hyrë në ujë në Liqenin e Batllavës dhe më pas nuk është parë të dalë.", ka thënë Pllana.
Ai ka bërë të ditur se rreth orës 13:00 ka pranuar informatën se një person dyshohet se ka hyrë në ujë në Liqenin e Batllavës dhe më pas nuk është parë të dalë.
"Menjëherë pas pranimit të informatës, janë angazhuar të gjitha njësitë relevante policore, si dhe njësitë e tjera të kërkim-shpëtimit, me qëllim të lokalizimit të personit. Aktualisht, operacioni i kërkimit dhe shpëtimit është duke vazhduar", thuhet në njoftimin e Policisë.
Sipas burimeve të Periskopit, fillimisht është raportuar se një i ri është zhdukur në liqen, ndërsa autoritetet kanë nisur menjëherë operacionin e kërkimit.
Periskopi do të ju mbajë të informuar me zhvillimet e reja dhe me çdo konfirmim zyrtar lidhur me këtë rast./PERISKOPI/
