13 minuta më parëDyshohet se një i ri është fundosur në Batllavë
Periskopi(një orë më parë)
(një orë më parë)Një ngjarje e rëndë dyshohet të ketë ndodhur këtë të martë në Liqenin e Batllavës, ku sipas burimeve të Periskopit, një i ri është fundosur.
Menjëherë pas marrjes së informacionit, në vendin e ngjarjes kanë dalë ekipet e kërkim-shpëtimit, të cilat kanë nisur operacionin për lokalizimin e personit të zhdukur.
Burimet e Periskopit bëjnë të ditur se operacioni është ende në zhvillim, ndërsa rrethanat e plota të ngjarjes nuk janë sqaruar ende.
Ndryshe lajmin për Periskopin e ka konfirmuar zëdhënësi i Policisë për rajonin e Prishtinës, Enis Pllana.
"Rreth orës 13:00, Policia ka pranuar informatën se një person dyshohet se ka hyrë në ujë në Liqenin e Batllavës dhe më pas nuk është parë të dalë.", ka thënë Pllana.
Ai ka bërë të ditur se rreth orës 13:00 ka pranuar informatën se një person dyshohet se ka hyrë në ujë në Liqenin e Batllavës dhe më pas nuk është parë të dalë.
"Menjëherë pas pranimit të informatës, janë angazhuar të gjitha njësitë relevante policore, si dhe njësitë e tjera të kërkim-shpëtimit, me qëllim të lokalizimit të personit. Aktualisht, operacioni i kërkimit dhe shpëtimit është duke vazhduar", thuhet në njoftimin e Policisë.
Periskopi do të ju mbajë të informuar me detaje të reja sapo të ketë konfirmime zyrtare nga autoritetet kompetente./PERISKOPI/
