6 orë më parëBehrami: Kurti është fenomen i TikTokut, por jo i qeverisjes
Periskopi(6 muaj më parë)
(6 muaj më parë)Ish-deputeti i Partisë Demokratike të Kosovës (PDK), Artan Behrami, në emisionin “Real Talk me Maxhunin”, që transmetohet në Periskopi dhe T7, ka thënë se të gjitha analizat tregojnë një rezultat të pritshëm për zgjedhjet e ardhshme, por ai ka argumentuar se 28 dhjetori mund të sjellë një pikëkthesë të madhe politike. “Nëse sheh të gjitha […]
“Nëse sheh të gjitha analizat racionale mund të thuash se rezultati do të jetë i njëjti, por i kam disa argumente pse 28 dhjetori mundet me qenë pikëpërmbysja e madhe dhe ndryshimi i madh i pushtetit. Elementi i parë është që Vetëvendosje nuk ka struktura qysh ka PDK. Ne i kemi mbi 27 mijë persona që kanë pozitë në PDK, pra PDK ka rrënjë të shtrira në tërë Kosovën. Ndërsa VV këtë rënien e saj e ka me frymë. Fryma i ka rritur dhe mund t’i përmbys dhe kjo mund të shkaktojë përmbysje shumë më të mëdha se te partitë që kanë strukturë dhe janë të etabluara”.
“Më 9 qytetarët kanë qenë të mllefosur me Kurtin, megjithatë ai me një retorikë përçarse, duke i ndarë qytetarët në të ndershëm e të pandershëm, ka arritur ta elektrizojë një masë të elektoratit. Mirëpo pas 8 muajve të një bllokade të projektuar, që është frika e Kurtit nga përgjegjësia për rritje të pagave, për shkolla më të mira etj, edhe pak votues që kanë qenë me dy mendje janë bindur se Albin Kurti nuk din të qeverisë. Ai ka potencial për t’u kthyer në një fenomen të TikTokut, por jo më shumë”, ka thënë Behrami.
Ai ka theksuar se qytetarët tashmë po e shohin një alternativë të qartë qeverisëse përmes kandidatit të PDK-së për kryeministër, Bedri Hamza.
“Qytetarët e kanë pa që Bedri Hamza është një figurë depolarizuese dhe që ka trashëgimi. Në të gjitha sukseset e Kosovës ka hisen e vet dhe ka vizion për ta nxjerrë Kosovën nga kjo krizë”, ka thënë Behrami.
Ai është i bindur se për një zhvillim të ri politik në dhjetorin e këtij viti, kur edhe mbahen zgjedhjet nacionale./Periskopi/
