Në pesë barnatore gjenden mallra të kontrabanduara, detaje nga Dogana

Dogana e Kosovës ka gjetur mallra të kontrabanduara në pesë barnatore në vend.

Sipas njoftimit, këto mallra janë hasur gjatë një aksioni të Doganës.

Gjithsej sipas tyre janë gjetur 350 lloje të ndryshme të medikamenteve.

“Bazuar në informatat e marra nga rrugët operative, njësit e doganës kanë koordinuar një aksion në këto pesë lokacione. Gjatë kontrollit, janë identifikuar tri lokacione ku u zbuluan mallra pa banderola, të fshehura në hapësira të ndryshme. Mallrat e kontrabanduara janë konfiskuar menjëherë dhe proceset ligjore kundër personave të përfshirë në këtë veprimtari të paligjshme kanë filluar. Malli i gjetur përbëhet prej më shumë se 350 lloje të ndryshme të medikamenteve. Procedurat ligjore do të vijohen për të hetuar dhe ndjekur penalisht personat e përfshirë në këtë veprimtari të paligjshme të kontrabandës së medikamenteve”, thuhet në njoftimin.