disa sekonda më parëBatoni tha se Ramushi e solli Albinin në pushtet, Smajl Latifi: E pengon rritja e AAK-së
Periskopi(4 vite më parë)
(4 vite më parë)Gazetari i njohur Baton Haxhiu, mbrëmë në Pressing të televizonit 7, ka deklaruar se ‘Ramush Haradinaj është fajtori kryesor që sot Albin Kurti është në pushtet’. Për këtë, i ashpër ndaj gazetarit Haxhiu tregohet kryetari i Rahovecit, njëherit anëtar i Kryesisë së AAK-së, z.Smajl Latifi. Në një reagim dërguar mediave, Latifi thotë se ‘Baton Haxhiun […]
Gazetari i njohur Baton Haxhiu, mbrëmë në Pressing të televizonit 7, ka deklaruar se ‘Ramush Haradinaj është fajtori kryesor që sot Albin Kurti është në pushtet’. Për këtë, i ashpër ndaj gazetarit Haxhiu tregohet kryetari i Rahovecit, njëherit anëtar i Kryesisë së AAK-së, z.Smajl Latifi.
Në një reagim dërguar mediave, Latifi thotë se ‘Baton Haxhiun e pengon rritja e Aleancës’.
Ja reagimi i plotë i z.Latifi:
Baton Haxhiut i paska gufuar hidhërimi për Aleancën dhe Ramush Haradinajn, sepse ia kanë dekonspiruar dhe ia kanë ndalur projektin për ndarjen e Kosovës, e tash bëhet sikur i ditur për të treguar se sa e gatshme qenka Aleanca për koalicion me pushtetin!
S’ka faj i shkreti, sepse gjithmonë ka qenë megafon i të gjitha pushteteve, prej ngado që kanë ardhur ato.
E qartë, e pengon rritja e Aleancës, prandaj mundohet ta godasë atë edhe me gënjeshtra, një zanat që ai e ka mësuar mirë.
Mirëpo, për këtë e batona të tjerë, tash për tash, Aleanca është e vetmja opozitë e zëshme e këtij pushteti dhe këtë e kemi bërë e vazhdojmë ta bëjmë për çështje parimore e interesa të vendit, e jo për kalkulime e interesa të askujt./Periskopi/
