Për dallim nga Osmani, Hovenier falenderon BE-në për arritjen e marrëveshjes në Bruksel

Për dallim nga Presidentja Osmani e cila përshëndeti vetëm amerikanët dhe nuk falenderoi BE-në për marrëveshjen e arritur në Bruksel, Jeff Hovenier, meritat ua la BE-së, përcjell Periskopi.

“Një nga gjërat për të cilat jam falenderues unë dhe e gjithë ambasada e SHBA-së dhe qeveria e SHBA-së është fakti se një marrëveshje u arrit dje me lëhtësimin e BE-së ndërmjet Kosovës dhe Serbisë, për të bërë dy gjëra mendoj shumë të rëndësishme”.

“Një është që të shmanget eskalimi i mëtutjeshëm dhe të ndërmerren hapa që e reduktojnë eskalimin e krijuar për implementimin e regjimit të targave të veturave dhe zotimi i dytë ishte që me urgjencë të merret ky propozim për normalizim që është prezantuar nga Bashkimi Evropian dhe është e mbështetur nga Franca dhe Gjermania që të vazhdohet me këtë çështje shumë të rëndësishme”.

“Ne e shohim këtë si një sukses sjhumë të madh dhe një hap shumë të madh përpara dhe dua të pranoj se Qeveria e Kosoëvs dje u angazhua në një mënyrë që ishte konstruktive dhe të dobishme dhe na ndihmoi të arrijmë aty ku tërë komuniteti ndërkombëtar donte ta shihte fundin e kësaj.

“Kjo është pikëpamja ime fillestare për atë që ka ndodhur dje – një hap shumë i rëndësishëm përpara për të dyja shtetet”, tha Hovenier në Rubikon, përcjell Periskopi.

Presidentja e Kosovës, Vjosa Osmani mbrëmë ka reaguar pasi është arritur marrëveshja në Bruksel mes Kosovës dhe Serbisë për targat, duke falënderuar vetëm Shtetet e Bashkuara të Amerikës.

Në një reagim në Tëitter, Osmani nuk e ka përmendur fare kryediplomatn evropian, Josep Borell, të cilin para disa ditësh e kritikoi.

“Dua të falënderoj ambasadorin amerikan, Jeff Hovenier dhe Qeverinë Amerikane për angazhimin e tyre aktiv në arritjen e marrëveshjes së sotme në Bruksel. Mbështetja e tyre për procesin e dialogut mes Kosovës dhe Serbisë është e domosdoshme. Kosova është mirënjohës”, ka shkruar Osmani./Periskopi/