Mirena: Premtimet e përfaqësuesve të LDK-së, nuk dallojnë nga ato të subjekteve tjera

Analisti Ilir Mirena ka diskutuar për paraqitjen e kandidatëve të Lidhjes Demokratike të Kosovës.

Mirena në ‘Analiza Zgjedhore’, tha se premtimet e LDK’së janë të ngjajshme me partitë tjera, shkruan Periskopi.

‘’Ajo çka prezantuan sot kandidatët e LDK, dorën në zemër nuk dallon shumë prej asaj çka po shohim prej partive tjera politike. Do të thotë zvogëlim të Qeverisë , të numrit të ministrave, rritje ekonomike, investime në ato fusha që tashmë dihen janë prioritare për secilën parti politike shëndetësia, zhvillimi ekonomik, arsimi.  Kështu që nuk pat diçka të veçantë që ja vlen me u theksu. Ajo që më bën përshtypje kur janë kandidatët e LDK është  se më duken fantastik se si arrijnë kurgjo mos me pranu prej asaj pjesës sa kanë qenë në Qeverisje. Nuk pranojnë asnjë gabim, i gjejnë gabimet e tjerëve i shohin me llupë. Panelistat ua dëshmuan me fakte se si i kanë nda resurset me PDK’në e me partitë e tjera kur kanë bashkëqeverisë’’, tha ai.

Tutje, Mirena theksoi se LDK asnjëherë nuk i sheh gabimet e veta dhe vetëm  gabimet e partive të tjera i shohin teksa të vetat, jo.

‘’Mundohen me nxjerrë vetëm pjesën e mirë dhe krejt të tjerat i mohojnë. LDK duhet me pranu që është bashkëfajtore që ja ka vënë themelet e shkatërrimit arsimit në Kosovë, shëndetësisë, drejtësinë poashtu e ka pasë në dorë, Ministrinë e Punëve të Brendshme kur është fjala për vrasjet politike pas luftës, e cila çdoherë kur ka zgjedhje bëhet temë e debateve.  Nëse e zbresim Qeverisjen e LDK’së në nivelin lokal, atëherë mjafton ta shikojmë projektin e Prishtinës për 13 vite pas luftës se si është katandis  për aq sa ka qeveris LDK dhe i shohim kapacitetet e saj për qeverisje. Kjo parti i pëlqeu apo jo, është fajtorja që e ka bërë të pandreqshëm pothuajse Prishtinën’’, përfundon Mirena./Periskopi/

https://www.facebook.com/tvdukagjiniofficial/videos/1257853144416717/