3 minuta më parëVeseli qorton Halitin pasi e shtyu Gashin: Nuk ka kuptim kështu
Periskopi(8 vite më parë)
(8 vite më parë)Kryetari i Kuvendit të Kosovës, Kadri Veseli ka reaguar menjëherë ndaj përplasjes që Xhavit Haliti e pati me deputetin e LDK-së, Arben Gashi, transmeton Koha.net. Veseli duke iu drejtuar të gjithë deputetëve ka thënë se “për hir të sakrificës së qytetarëve të ndalen sjelljet që nuk i takojnë deputetëve të këtij Kuvendi. Duhet të […]
Kryetari i Kuvendit të Kosovës, Kadri Veseli ka reaguar menjëherë ndaj përplasjes që Xhavit Haliti e pati me deputetin e LDK-së, Arben Gashi, transmeton Koha.net.
Veseli duke iu drejtuar të gjithë deputetëve ka thënë se “për hir të sakrificës së qytetarëve të ndalen sjelljet që nuk i takojnë deputetëve të këtij Kuvendi. Duhet të mendojmë për dinjitetin e njëri-tjetrit më shumë sesa për tonin”.
Pasi ndali mikrofonin, Veseli i është drejtuar zëvendësit të tij, Halitit, duke i thënë: “Nuk ka kuptim kështu”.
Haliti u pa duke sulmuar i pari deputetin Arben Gashi të LDK-së, i cili ishte duke pritur në radhë për të votuar për gjyqtarë të Kushtetueses.
Dje, Gashi e Haliti u përplasen me fjalë të rënda në distancë. U shanë edhe me nënë. Gashi i tha “shko në rrotë të s’amës” Halitit, e ky ia ktheu me fjalët “qen bir qeni”. Krejt kjo ndodhi pasi Haliti, që po kryesonte seancën nuk ia dha fjalën Gashit.
