5 minuta më parëLufta e Tretë Botërore, njihuni me ishullin për të cilin mund të shpërthejë ajo (Foto)
Periskopi(9 vite më parë)
(9 vite më parë)Koreja e Veriut, së paku sipas autoriteteve të këtij vendi është duke finalizuar planet për të lansuar katër raketa të rangut të ndërmjetëm mbi Japoninë për të dalë në ujërat 18 deri 25 milje nga territori i Guamit në Paqësorin e SHBA. Siç shkruajnë mediat e huaja, përcjell Telegrafi, ushtria koreano veriore do të përfundojë […]
Koreja e Veriut, së paku sipas autoriteteve të këtij vendi është duke finalizuar planet për të lansuar katër raketa të rangut të ndërmjetëm mbi Japoninë për të dalë në ujërat 18 deri 25 milje nga territori i Guamit në Paqësorin e SHBA.
Siç shkruajnë mediat e huaja, përcjell Telegrafi, ushtria koreano veriore do të përfundojë planet e saj në mes të gushtit, për të qenë të gatshëm për urdhrin e Kim Jong Un, raportoi KCNA, duke cituar gjeneralin Kim Rak Gyom, komandant i Forcës Strategjike të Ushtrisë Popullore Koreane.
“Raketat Hwasong-12 që do të lansohen nga KPA [Ushtria Popullore Koreane] dhe do të kalojnë qiellin mbi Shimane, Hiroshima dhe Koichi të Japonisë”, thuhet në raport.
Paralajmërimi “djegës” vjen pasi presidenti i SHBA-ve, Donald Trump u zotua të lëshojë ‘zjarr dhe tërbim’ nëse Koreja e Veriut kërcënon SHBA-të.
Por kush është “copa e parajsës” për të cilën mund të nisë Lufta e Tretë Botërore?
Ishulli tropikal i Guamit, më i madhi në ishujt Mariana, në rajonin e Mikronezisë të oqeanit Paqësor, është konsideruar territor i SHBA-së që prej vitit 1898.
I vendosur rreth 2 000 kilometra në lindje të Filipineve, ishulli i vogël me një sipërfaqe prej vetëm 544 kilometra katrorë, është vendbanimi i 160 000 banorëve.
Japonia pushtoi Guamin pas sulmit në Pearl Harbor në vitin 1944, por ai u bë pjesë e qeverisjes amerikane në vitin 1944.
Që atëherë, Guami është kthyer në bazën më të madhe ushtarake amerikane, përcjell mapo.al.
Guami ka qenë një gur themeli i strategjisë ushtarake amerikane në konfliktin e Koresë së Veriut nga viti 1950-1953 dhe një pasuri e rëndësishme gjatë Luftës së Vietnamit, si një bazë për bombarduesit e forcave ajrore që shfrytëzoheshin për misionet në Azinë Juglindore.
Turizmi është një burim tjetër i madh i të ardhurave të ishullit.
Shumica e banorëve që jetojnë në Guam, të ashtuquajturit kamorro, janë paraardhës të detarëve që mbërritën në ishull 4 000 vjet më parë nga Filipinet dhe Indonezia.
Guamanët janë shtetas amerikanë, por nuk kanë të drejtë të votojnë në zgjedhjet e SHBA-së.
Ishulli drejtohet nga një guvernator i zgjedhur dhe një legjislaturë prej 15 anëtarësh e përbërë nga senatorë.
Guam ndodhet në juglindje të Koresë së Veriut dhe rreth 3 400 kilometra nga Pheniani.
