4 minuta më parëZjari jashtë kontrollit: Gati 200 mijë persona në Francë, e 60 mijë në Spanjë detyrohen të largohen nga disa rajone
Periskopi(18 minuta më parë)
(18 minuta më parë)Gati 200 mijë persona janë evakuuar në jugperëndim të Francës për shkak të zjarreve të mëdha pyjore, njoftoi Ministria e Brendshme e Francës.
Rreth 57 mijë banorë u evakuuan gjatë natës në rajonin Gironde, duke e çuar numrin e përgjithshëm të të evakuuarve në këtë zonë në 167 mijë.
Ndërkohë, edhe 30 mijë persona të tjerë janë evakuuar nga rajoni Landes.
Sipas Ministrisë së Brendshme, numri i përgjithshëm i personave të evakuuar në të gjithë Francën ka arritur në rreth 197 mijë.
Zjarrfikësit po hasin vështirësi në përpjekjet për të shuar zjarret e mëdha që kanë përfshirë Francën dhe Spanjën. Pranë qytetit Bordo (Bordeaux), afro 200 mijë persona janë evakuuar nga shtëpitë e tyre.
Ushtria franceze është angazhuar për të ndihmuar në luftimin e zjarrit në jugperëndim të vendit. Evakuimi masiv i banorëve shkaktoi bllokime të mëdha të trafikut gjatë natës.
Në Spanjë, numri i personave të zhvendosur ka kaluar 60 mijë. Një zyrtar lokal deklaroi se përpjekjet për të vënë nën kontroll zjarret pranë Madridit janë “përtej kapaciteteve” të zjarrfikësve.
Kushtet e motit kanë krijuar rrethanat ideale që zjarret të shpërthejnë dhe të përhapen me shpejtësi. Sipas meteorologut kryesor, pikërisht këto kushte kanë ndikuar në përkeqësimin e situatës këtë herë.
