Vdes nëna e Kris Jenner

Lajmin e trishtë e bëri të ditur vetë Kris Jenner përmes një postimi në Instagram, ku i dha lamtumirën nënës në emër të gjithë familjes.

“U përshëndetëm me mamanë time të mrekullueshme, MJ. Nuk ka fjalë që mund të përshkruajnë sa shumë do të thoshte ajo për mua dhe sa e madhe është dhimbja e largimit të saj”, shkroi Jenner.

Ajo e përshkroi të ëmën si shtyllën e familjes, duke theksuar se prej saj mësoi vlerat më të rëndësishme të jetës: dashurinë pa kushte për familjen, mirësinë, mbështetjen për njerëzit e dashur dhe rëndësinë e çdo momenti të kaluar së bashku, transmeton Periskopi.

Në vijim, Kris Jenner vlerësoi ndikimin e madh që nëna e saj pati te të gjithë anëtarët e familjes.

“Ajo na mësoi se familja vjen gjithmonë e para. Na tregoi si të duam pa kushte dhe të gjejmë gëzim në gjërat e vogla. Prej saj mësova si të përballem me sfidat e jetës, të qëndroj e fortë dhe të mos humbas kurrë besimin”, u shpreh Jenner./ Periskopi/