IHMK publikon analizën për motin e 20–22 korrikut, jep sqarime për paralajmërimet meteorologjike

Sipas IHMK-së, dokumenti përmban analizën e situatës meteorologjike gjatë kësaj periudhe, të dhënat e regjistruara nga Rrjeti Shtetëror Meteorologjik i Kosovës, si dhe sqarime mbi bazën shkencore dhe standardet ndërkombëtare mbi të cilat hartohen parashikimet dhe paralajmërimet për motin.

Instituti thekson se në njoftim trajtohet edhe karakteri dinamik i stuhive konvektive, duke shpjeguar mënyrën e lëshimit të paralajmërimeve sipas praktikave të Organizatës Botërore Meteorologjike (WMO) dhe sistemit MeteoAlarm.

"IHMK mbetet i përkushtuar për të ofruar informacione të besueshme, në kohë dhe të bazuara në standardet më të larta profesionale, në funksion të mbrojtjes së jetës, pronës dhe aktiviteteve ekonomike", thuhet në njoftimin e institucionit.

Postimi i plotë:

NJOFTIM PËR PUBLIKUN

Lidhur me situatën meteorologjike dhe përditësimin e parashikimit të motit 20-22.07.2026.

Instituti Hidrometeorologjik i Kosovës (IHMK), në kuadër të mandatit të tij ligjor për monitorimin, parashikimin dhe paralajmërimin e dukurive hidrometeorologjike,

ju përcjell në bashkëngjitje "Njoftimin për Publikun lidhur me situatën meteorologjike dhe përditësimin e parashikimit të motit për periudhën 20–22 korrik 2026".

Ky njoftim paraqet:

• Analizën meteorologjike të situatës së krijuar gjatë kësaj periudhe;

• Të dhënat e regjistruara nga Rrjeti Shtetëror Meteorologjik i Kosovës;

• Bazën shkencore dhe standardet ndërkombëtare mbi të cilat hartohen parashikimet dhe paralajmërimet meteorologjike;

• Sqarime lidhur me karakterin dinamik të stuhive konvektive dhe mënyrën e lëshimit të paralajmërimeve sipas praktikave të Organizatës Botërore Meteorologjike (WMO) dhe MeteoAlarm.

IHMK mbetet i përkushtuar për të ofruar informacione të besueshme, në kohë dhe të bazuara në standardet më të larta profesionale, në funksion të mbrojtjes së jetës, pronës dhe aktiviteteve ekonomike.

Për më shumë shihni njoftimin lidhur me situatën meteorologjike dhe përditësimin e parashikimit të motit për periudhën 20–22 korrik 2026.