5 orë më parëSkandal para Kupës së Botës? Arbitrit somalez i ndalohet hyrja në SHBA
Periskopi(2 orë më parë)
(2 orë më parë)Një situatë e pazakontë ka shkaktuar reagime të shumta vetëm pak para se të nisë kampionati i Kupës së Botës.
Arbitri somalez, Omar Artan, i cili ishte paraparë të gjykonte ndeshje në turneun botëror, thuhet se është penguar të hyjë në Shtetet e Bashkuara të Amerikës.
Sipas raportimeve, pavarësisht mbështetjes së Ambasadës së Somalisë në Nairobi, e cila i kishte siguruar një pasaportë diplomatike, Artan u detyrua të kthehej mbrapsht sapo mbërriti në territorin amerikan.
Ngjarja ka shkaktuar habi të madhe në komunitetin e futbollit, veçanërisht duke pasur parasysh se Omar Artan u shpall “Arbitri më i Mirë Afrikan i vitit 2025”, një vlerësim që e konfirmoi si një nga gjyqtarët më të respektuar në kontinent.
Deri më tani nuk ka pasur një reagim zyrtar nga autoritetet amerikane lidhur me arsyet e refuzimit të hyrjes së arbitrit somalez. Situata mbetet në zhvillim dhe priten sqarime në ditët në vijim.
