8 minuta më parëFlorentino Perez nis epokën e re te Real Madridi: Mourinho rikthehet, vijnë Konate e Dumfries
Periskopi(një orë më parë)
(një orë më parë)Presidenti i rizgjedhur i Real Madrid, Florentino Perez, ka nisur menjëherë zbatimin e premtimeve të fushatës pasi fitoi bindshëm zgjedhjet presidenciale, duke siguruar një mandat të ri deri në vitin 2030.
Lëvizja më e bujshme është rikthimi i trajnerit portugez Jose Mourinho në stolin e madrilenëve.
Mourinho rikthehet në “Santiago Bernabeu” pas më shumë se një dekade, me synimin për ta rikthyer klubin në majat e futbollit evropian.
Në të njëjtën kohë, Perez ka konfirmuar vazhdimin e bashkëpunimit me mbrojtësin gjerman Antonio Rüdiger deri në vitin 2027, ndërsa përforcimi më i madh në qendër të mbrojtjes është francezi Ibrahima Konate, i cili do të jetë pjesë e Realit deri në vitin 2030.
Një tjetër afrim i rëndësishëm është ai i mbrojtësit të krahut të djathtë Denzel Dumfries. Holandezi transferohet në Madrid për rreth 20 milionë euro dhe pritet të shtojë konkurrencën në repartin defensiv.
Perez ka lënë të kuptohet se këto nuk do të jenë lëvizjet e fundit të verës, pasi drejtuesi madrilen po përgatit edhe një ofertë rekord për një superyll të futbollit evropian, në atë që mund të jetë transferimi më i shtrenjtë në historinë e klubit./ Periskopi/
