një minutë më parëShBA pezullon përkohësisht sanksionet ndaj naftës iraniane pas "bisedimeve produktive"
Periskopi(2 orë më parë)
(2 orë më parë)Administrata Trump po pezullon përkohësisht sanksionet mbi shitjen e naftës iraniane, duke përmbushur kështu një nga angazhimet kryesore të ndërmarra në marrëveshjen e saj të zgjatur të armëpushimit, sipas The New York Times.
Përjashtimi 60-ditor i lëshuar të hënën erdhi fill pas negociatave të zhvilluara gjatë fundjavës në Zvicër midis SHBA-së dhe Iranit, të cilat Sekretari i Thesarit i SHBA-së, Scott Bessent, i cilësoi si “bisedime produktive”.
“Irani është angazhuar për një tranzit të lirë dhe të hapur në Ngushticën e Hormuzit dhe për lejimin e inspektorëve të Agjencisë Ndërkombëtare të Energjisë Atomike (IAEA) në vendin e tyre”, shkroi Bessent në një postim në rrjetin X. “Si pjesë e kësaj kornize, Thesari ka lëshuar një licencë të përgjithshme të përkohshme 60-ditore që autorizon prodhimin, transportin dhe shitjen e naftës iraniane.”
Ky përjashtim i lejon Iranit të shesë dhe të transportojë naftë pa sanksione deri në orën 00:01 të datës 21 gusht drejt pothuajse çdo vendi në mbarë botën, përfshirë Shtetet e Bashkuara.
