Raportohet se ka vdekur një kosovar në plazhin e Ulqinit, dyshohet për vonesë të ambulancës

Qytetarë që kanë qenë në vendin e ngjarjes kanë bërë të ditur se i moshuari është nxjerrë nga deti në gjendje të rëndë.

Sipas tyre, viktima ka ndërruar jetë në plazh, ndërsa pretendohet se autoambulanca ka mbërritur me vonesë prej më shumë se një ore.

Burime të IndeksOnline bëjnë të ditur se viktima është Y. Gashi nga Prishtina, transmeton Periskopi.

Pas vonesës së ekipit të ndihmës së shpejtë, në vendin e ngjarjes kanë intervenuar zjarrfikësit, të cilët kanë tërhequr trupin e pajetë të viktimës në drejtim të hotelit.

Shkaqet që çuan në përkeqësimin e gjendjes shëndetësore të viktimës dhe vdekjen e tij mbeten ende të paqarta.