43 minuta më parëFiorentina shpreh interesim për Edon Zhegrovën?
Periskopi(një orë më parë)
(një orë më parë)Ylli i Kosovës, Edon Zhegrova, mund të mos vazhdojë gjatë te Juventusi, pasi në Itali po raportohet për një largim të mundshëm të tij gjatë kësaj vere, me Fiorentinën si një nga destinacionet më serioze për sulmuesin anësor.
Futbollisti 27-vjeçar, i cili gjithashtu mban shtetësi shqiptare, iu bashkua Juventusit nga Lille vitin e kaluar me pritshmëri të mëdha, por nuk arriti të ketë ndikimin e pritur në sezonin e tij të parë në Serie A.
Sipas raportimeve nga mediat italiane, mundësia e largimit të tij është gjithnjë e më reale, ndërsa Fiorentina po e ndjek nga afër situatën e lojtarit dhe mund të bëjë së shpejti një ofertë zyrtare për Juventusin.
Zhegrova ka kushtuar rreth 15 milionë euro dhe ka kontratë me “Zonjën e Vjetër” deri në vitin 2030, me një pagë prej rreth 2.5 milionë euro në sezon neto.
Megjithatë, sipas mediave italiane, këto kushte financiare nuk paraqesin pengesë të madhe për Fiorentinën.
Nga ana tjetër, një shitje e mundshme e Zhegrovës do t’i jepte Juventusit hapësirë për të riorganizuar repartin ofensiv, ndërsa Fiorentina do të merrte një rrezik të llogaritur në përpjekje për të rikthyer formën e një futbollisti që kishte shkëlqyer më parë në Ligue 1 me Lille.
