7 minuta më parëPejë: Konfiskohet armë e municion në disa lokacione, 6 të arrestuar
Periskopi(një orë më parë)
(një orë më parë)Drejtoria Rajonale e Policisë në Pejë, ka njoftuar se gjatë fundjavës në lokacione të ndryshme kanë sekuestruar armë dhe municion.
Sipas komunikatës për media, janë sekuestruar një pistoletë tip “Beretta”, një armë gjuetie tip “Uzumlu”, një pistoletë tip “M57”, një pistoletë tip “TT”, 25 fishekë, tre karikatorë, një jelek antiplumb, një thikë dhe një radiolidhje.
Në lidhje me këto raste, policia thotë se ka arrestuar gjashtë persona të dyshuar.
Pas intervistimit me urdhër të prokurorit të shtetit, pesë prej tyre janë liruar në procedurë të rregullt, ndërsa një i dyshuar është ndaluar për 48 orë./ Periskopi/
