15 minuta më parëOperacion i Policisë në Prishtinë, Gjilan e Prizren, arrestohen tre zyrtarë – Sekuestrohen mijëra euro, veturë e armë
Periskopi(6 ditë më parë)
(6 ditë më parë)Policia e Kosovës, ka njoftuar për arrestimin e tre personave të dyshuar për përfshirje në veprimtari penale, pas kontrollove që janë kryer në tri lokacione të ndryshme, Prishtinë, Gjilan dhe Prizren.
Nga policia shtohet edhe se, operacioni është realizuar me qëllim të sigurimit të provave dhe dëshmive relevante për rastin, pasi dyshohet se disa persona, në bashkëpunim me njëri-tjetrin, kanë arritur të falsifikojnë dokumente të ndryshme përmes kryerjes së veprave penale.
Tutje, njoftohet po ashtu edhe që, janë sekuestruar përkohësisht: rreth pesëdhjetë mijë euro para kesh (vlera e përgjithshme); një veturë; një armë zjarri – pa leje; dyshtëpiza kompjuteri; tre telefona mobilë dhe disa dëshmi-autorizime-kontrata; dhe, dokumente të ndryshme që do të jenë pjesë e provave në rast.
Njoftimi i plotë:
Arrestohen tre persona të dyshuar për përfshirje në veprimtare penale
Prishtinë, më 17 qershor 2026
Policia e Kosovës, përkatësisht Drejtoria për Hetimin e Krimeve Ekonomike dhe Korrupsionit (DHKEK), pas një pune hetimore disa mujore, me datën 17.06.2026, ka zbatuar urdhëresën e Gjykatës Themelore në Ferizaj, ku në koordinim me prokurorin e PTH-Ferizaj dhe në bashkëpunim me njësitë tjera policore, është kryer urdhërkontroll në tre lokacione të ndryshme, në regjionet Prishtinë, Gjilan dhe Prizren.
Operacioni policor është realizuar me qëllim të sigurimit të provave dhe dëshmive relevante për rastin, pasi dyshohet se disa persona, në bashkëpunim me njëri-tjetrin, kishin arritur të falsifikojnë dokumente të ndryshme përmes kryerjes së veprave penale.
Gjatë zbatimit të urdhërkontrollit, lidhur me rastin, janë siguruar dhe janë sekuestruar përkohësisht:
• rreth pesëdhjetë mijë euro para kesh (vlera e përgjithshme),
• një veturë,
• një armë zjarri – pa leje,
• dy (2) shtëpiza kompjuteri,
• tre (3) telefona mobilë dhe disa dëshmi-autorizime-kontrata dhe
• dokumente të ndryshme që do të jenë pjesë e provave në rast.
Të dyshuarit e arrestuar lidhur me këtë rast janë shoqëruar në zyrat e njësisë përkatëse për intervistim.
Lidhur me rastin janë arrestuar tre të dyshuar meshkuj kosovarë për veprat penale ‘keqpërdorim i pozitës apo autoritetit zyrtar, Neni 414, ‘falsifikimi i dokumenteve’, Neni 390, dhe ‘legalizimi i përmbajtjes së rreme’ neni 395 i KPRK-së, të cilët janë intervistuar në prezencë të avokatëve mbrojtës dhe pas intervistimit me aktvendim të prokurorit, të njëjtit janë ndaluar për 48 orë.
