4 minuta më parëA po ndikon EuroKos Petrol drejtpërdrejt në uljen e çmimeve të derivateve në Kosovë?
Periskopi(një orë më parë)
(një orë më parë)Në një periudhë kur çmimi maksimal i lejuar për EuroDiesel është 1.54€ për litër, EuroKos Petrol po e ofron atë me vetëm 1.45€, duke krijuar një diferencë prej 9 centësh për litër në favor të konsumatorëve.
Sipas Drejtorit të EuroKos Petrol, Diellon Kelmendi, kompania ka ndikim të drejtpërdrejtë në uljen e çmimeve të derivateve në të gjithë Kosovën.
“Kur ne vendosim çmime më të ulëta, konkurrenca detyrohet të reagojë. Kjo krijon presion në treg dhe ndikon që edhe operatorët e tjerë të ulin çmimet. Në fund, fituesi më i madh është qytetari i Kosovës”, deklaroi Kelmendi.
Ai shtoi se filozofia e EuroKos Petrol nuk është të shfrytëzojë çmimet maksimale të lejuara nga shteti, por të ofrojë çmime sa më konkurruese dhe të përballueshme për konsumatorët.
“Ne besojmë se një treg i fortë ndërtohet përmes konkurrencës së ndershme. Sa më të ulëta të jenë çmimet tona, aq më i madh është presioni që krijohet në treg për të mbrojtur interesin e qytetarëve”, tha ai.
Sipas Kelmendit, ndikimi i EuroKos Petrol nuk matet vetëm me numrin e klientëve që furnizohen çdo ditë, por edhe me efektin që krijon në gjithë tregun e derivateve në Kosovë.
Ndërsa shumë operatorë orientohen drejt çmimeve maksimale të lejuara, EuroKos Petrol po ndjek një strategji tjetër, duke synuar të jetë faktor stabilizues dhe nxitës i konkurrencës në treg.
“Nëse sot qytetarët gjejnë çmime më të favorshme në shumë pika karburanti anembanë Kosovës, një pjesë e këtij realiteti vjen edhe nga presioni konkurrues që EuroKos Petrol ka krijuar ndër vite”, përfundoi Kelmendi.
Me EuroDiesel në 1.45€, në një kohë kur tavani i lejuar është 1.54€, EuroKos Petrol po vazhdon të pozicionohet si një nga kompanitë më agresive në mbrojtje të interesit të konsumatorit dhe në nxitjen e konkurrencës në tregun kosovar të derivateve.
