disa sekonda më parëDaut Haradinaj publikon dokumentin: Ja e vërteta për regjistrimin e qytetarëve nga strukturat ilegale serbe
Periskopi(një orë më parë)
(një orë më parë)Daut Haradinaj ka reaguar lidhur me debatet për regjistrimin e fakteve të gjendjes civile të qytetarëve që kanë qenë të regjistruar në struktura jolegale serbe, duke publikuar, sipas tij, dokumentacionin zyrtar të nënshkruar nga ministri.
Kandidati i Aleancës ka thënë se për të gjithë skeptikët rreth këtij vendimi, “e vërteta e zezë mbi të bardhë” gjendet në dokumentin e nënshkruar në dy data të ndryshme, fillimisht në vitin 2024 dhe më pas e plotësuar në mënyrë më të detajuar në mars të vitit 2026.
Sipas interpretimit që Haradinaj i bën dokumentit, të drejtë aplikimi për regjistrim në Regjistrin Qendror të Gjendjes Civile të Republikës së Kosovës kanë të gjithë qytetarët e Kosovës që kanë të regjistruara faktet e gjendjes civile – lindjen, martesën dhe/apo vdekjen – në struktura jolegale serbe, për periudhën nga 10 qershori 1999 deri më 15 mars 2026.
“Ky është realiteti dhe e vërteta në lidhje me regjistrimin e kriminelëve të Serbisë dhe familjarëve të tyre si qytetarë të Republikës së Kosovës”, ka shkruar Haradinaj në reagimin e tij.
