3 minuta më parëZhduket djali 5-vjeçar i familjes Rahimi në Zvicër, kërkohet ndihmë për gjetjen e tij
Periskopi(një orë më parë)
(një orë më parë)Familja kosovare Rahimi në Zvicër po përballet me një ngjarje të rëndë, pasi fjali i tyre 5-vjeçar, Tiani është zhdukur në lumin Reuss pas një aksidenti me varkë.
Sipas njoftimit të familjes, ngjarja ka ndodhur të shtunën në Mühlau të kantonit Aargau, ku vogëlushi humbi në ujërat e lumit dhe ende akoma nuk është gjetur, raporton Klankosova.tv
Ndërsa sot shënohet dita e tretë e operacioneve të kërkimit, ekipet zyrtare të shpëtimit po vazhdojnë punën intensive në terren, ndërsa familja ka bërë një apel publik për ndihmë, duke ftuar të gjithë ata që kanë mundësi të bashkohen vullnetarisht në kërkimet për Tianin.
“Me dhembje të madhe ju njoftojmë se familja Rahimi-Hyda po përballet me një ngjarje tepër të rëndë. Të shtunën, në Mühlau (Aargau, Zvicër), 5-vjeçari Tian Rahimi u zhduk në lumin Reuss pas një aksidenti me varkë dhe ende nuk është gjetur”, thuhet në njoftimin e familjes.
Familjarët u bën thirrje qytetarëve që dëshirojnë të ndihmojnë në kërkime ose që mund të kenë informacione të rëndësishme lidhur me rastin, të kontaktojnë në numrat:
+41 76 280 90 49,
+41 78 880 28 87./Periskopi/
