3 minuta më parëArrestohet në Prizren i dënuari me 10 muaj burg për narkotikë, dërgohet në vuajtje të dënimit
Periskopi(6 ditë më parë)
(6 ditë më parë)Policia e Kosovës, ka njoftuar se ka arrestuar një person që ishte në kërkim, dhe, i dënuar me 10 muaj burg për narkotikë në Prizren.
Në njoftim, shtohet edhe se, i arrestuar XH.K, është i dënuar për veprën penale “ Shpërndarja e paautorizuar e narkotikëve”, dhe, se i njëjti është dërguar në burg për vuajte të dënimit.
Njoftimi i plotë:
Arrestohet një i kërkuar dhe i dënuar me 10 muaj burg efektiv për narkotikë në Prizren
Prizren, 16 qershor 2026
Më datë 16 qershor 2026, policët e njësitit për realizimin e urdhëresave të Stacionit Policor Prizren, pas veprimeve operative–hetimore kanë arritur të lokalizojnë dhe të arrestojnë të dyshuarin Xh.K. mashkull nga Prizreni. I njëjti ka qenë në kërkim pasi ishte dënuar 10 muaj burg efektiv me vendim të plotfuqishëm të Gjykatës Themelore të Prizrenit.
I arrestuari është dënuar për veprën penale “ Shpërndarja e paautorizuar e narkotikëve” nga neni 275, i KPRK-së.
I arrestuari Xh.K. fillimisht është sjellë në Stacionin Policor Prizren dhe më pas është dërguar në burg për vuajtjen e dënimit.
Policia mbetet e përkushtuar në zbatimin e ligjit dhe garantimin e sigurisë publike, duke ndërmarrë veprime të vazhdueshme për identifikimin dhe arrestimin e personave të kërkuar, si dhe për parandalimin e veprave penale që cenojnë shëndetin dhe mirëqenien e qytetarëve.
