Arrestohet burri që dyshohet se ia vuri flakën gruas së tij në Elbasan

Bëhet e ditur se gruaja tashmë po merr mjekim në spital dhe është jashtë rrezikut për jetën.

Ngjarja është regjistruar pasditen e djeshme në fshatin Karkavec, në Njësinë Administrative Qukës të bashkisë së Prrenjasit, raporton abcnews.al, transmeton Periskopi.

Sipas informacioneve paraprake, i dyshuari i cili ndodhej në gjendje të dehur, fillimisht ka ushtruar dhunë psikologjike dhe fizike ndaj bashkëshortes së tij dhe më pas ka marrë me forcë telefonin dhe në kulmin e konfliktit, dyshohet se e ka lyer me benzinë dhe i ka vënë flakën.

Burime paraprake thonë se shkak i ngjarjes mund të kenë qenë motive xhelozie, megjithatë rrethanat e plota po hetohen nga organet ligjzbatuese./Periskopi/