18 minuta më parëArda Guler kërkon falje pas eliminimit: Ndjejmë turp, dështuam të shënonim qoftë edhe një gol
Periskopi(2 ditë më parë)
(2 ditë më parë)Mesfushori i talentuar i Turqisë, Arda Güler, ka reaguar me tone të ashpra ndaj vetes dhe skuadrës pas eliminimit zhgënjyes nga Kupa e Botës, duke kërkuar falje publike për paraqitjet e dobëta të ekipit.
Ylli turk nuk e fshehu zhgënjimin pas përfundimit të aventurës së Turqisë në turneun më të madh të futbollit, teksa pranoi se skuadra nuk ishte në nivelin e pritshmërive.
“Ndjejmë turp dhe kërkojmë falje nga i gjithë kombi ynë. Ne luajmë për klube shumë të mëdha dhe kjo duhet të reflektohet edhe në fushë. Në dy ndeshje nuk arritëm të shënonim asnjë gol”, deklaroi Güler.
Fjalët e mesfushorit pasqyrojnë atmosferën e rëndë në kampin turk pas eliminimit, me kombëtaren që dështoi të gjejë rrugën e rrjetës në dy ndeshjet vendimtare dhe u largua nga Botërori më herët sesa pritej.
