5 ditë më parëGjermanët kanë semafor të mençur
Periskopi(4 vite më parë)
(4 vite më parë)Semafori më i zgjuar gjerman është vendosur në Lemg, në North Rhein-Westphalia, ku edhe do të nisë ta kontrollojë trafikun. Siç është premtuar nga shkencëtarët e Institutit Fraunhofer Optronics and Systems Technology, semafori duhet ta rrisë sigurinë, të shmangë ndezjen e dritave të kuqe dhe ta bëjë ajrin më të pastër.
Dobësi e madhe e semaforëve aktualë është bazimi i tyre në rregulla, theksojnë shkencëtarët, sepse rregullat e ngurta nuk zbatohen për të gjitha situatat në trafik. Semafori shpesh ka një dritë të kuqe pa asnjë arsye, gjë që e ngadalëson trafikun.
Semafori i ri është shumë më i zgjuar; kamera me rezolucion të lartë dhe sensorët e radarit masin trafikun shumë më saktë sesa unazat aktuale të induksionit të vendosura në asfalt. Për shembull, semafori jo vetëm që regjistron sa vetura po presin aktualisht në një udhëkryq, por edhe në cilat korsi ndodhen. Gjithashtu matet koha e bërjes gati dhe shpejtësia mesatare. Sipas shkencëtarëve, kjo teknologji e sensorëve në kohë reale, e kombinuar me inteligjencën artificiale, i zëvendëson rregullat rigjide aktuale.
Tabela e rezultateve mund të shkurtojë bllokimin e trafikut dhe kohën e pritjes, të zvogëlojë zhurmën, konsumin e karburantit të automjeteve dhe ndotjen e mjedisit. Semaforët mund të përmirësojnë fluksin e trafikut për 10-15 përqind. Një semafor inteligjent duhet të jetë i dobishëm edhe për këmbësorët, sepse e përshtat fazën e gjelbër me kohën e kalimit, në mënyrë që, për shembull, të moshuarit ose personat me aftësi të kufizuara ta kalojnë rrugën të sigurt. Numri i shkeljeve të rrezikshme, sikurse është hyrja në semafor të kuq, mund të ulen për një të katërtën, koha e pritjes në pikun e trafikut për një të tretën, etj.
