Kurti nuk e mohon diskutimin me AAK-në për rrëzimin e Hotit: Deputetët tonë mbase kanë pasur kontakte

Albin Kurti nuk e ka mohuar se deputetë nga partia e tij dhe ajo e Ramush Haradinajt, kanë diskutuar për rrëzimin e Qeverisë Hoti.

Në pyetjen e gazetares lidhur me raportimet se VV dhe AAK janë takuar për të diskutuar rreth mocionit të mosbesimit të inicuar nga partia e Kurtit, ky i fundit u përgjigj:

“Nuk jam në dijeni për takime të tilla, mbase ka pasur kontakte në Kuvend të Republikës ndërmjet deputetëve tanë, mirëpo ne e dimë që Kuvendi tashmë është në pushim. Ne duam që me mocion të mosbesimit të shkojmë në zgjedhje të reja, të cilat janë zgjidhja e vetme”, ka thënë ai./Periskopi/