5 ditë më parëTwitter bllokon agjencitë iraniane të lajmeve
Periskopi(7 vite më parë)
(7 vite më parë)Rrjeti i njohur social, Twitter, i ka bllokuar llogaritë e agjencive iraniane të lajmeve në platformën e vet për shkak të diskriminimit të pjesëtarëve të besimit Baha. Klubi i Gazetarëve të Rinj, agjencia shtetërore “IRNA” dhe agjencia “Mehr” janë në mesin e agjencive të bllokuara në Twitter të shtunën. Sidoqoftë, disa agjenci, përfshirë agjencinë “Fars” […]
Klubi i Gazetarëve të Rinj, agjencia shtetërore “IRNA” dhe agjencia “Mehr” janë në mesin e agjencive të bllokuara në Twitter të shtunën. Sidoqoftë, disa agjenci, përfshirë agjencinë “Fars” dhe televizionin në gjuhën angleze “Press TV”, nuk janë bllokuar në këtë rrjet.
Agjencitë e bllokuara nga Twitter-i kanë thënë se veprimi i rrjetit social është marrë për shkak të raportimit të tyre rreth tensioneve në Lindjen e Mesme. Në veçanti, ato besojnë se janë bllokuar për shkak të raportimit lidhur me konfiskimin e anijes britanike nga forcat e Iranit.
Një burim në Twitter ka konfirmuar se këto agjenci janë bllokuar për shkak të sulmeve ndaj komunitetit pakicë të Bahas.
Pjesëtarët e këtij komuniteti kanë thënë se qindra besimtarë të grupit janë vrarë nga vitet e tetëdhjeta, ndërsa shumë të tjerë janë burgosur dhe torturuar.
Besohet se në Iran jetojnë rreth 300 mijë pjesëtarë të këtij besimi, ndonëse Irani nuk e njeh zyrtarisht këtë komunitet. Grupi “Human Rights Watch” ka thënë se pjesëtarët e këtij komuniteti përndiqen dhe burgosen nga autoritetet, shkruan “BBC”.
