një minutë më parëISIS-i shfaqet si fantazmë në Irak, inteligjenca thotë se është më e fortë se kurrë
Periskopi(6 vite më parë)
(6 vite më parë)Ka indikacione në rritje se Shteti Islamik [ISIS] po riorganizohet në Irak, dy vjet pasi që i humbi territoret e fundit të mbetura në këtë shtet. Zyrtarët e inteligjencës kurdë dhe perëndimore i kanë thënë BBC-së se prania e ISIS-it në Irak është një kryengritje e sofistikuar, ndërsa sulmet e këtij grupi famëkeq terrorist po […]
Zyrtarët e inteligjencës kurdë dhe perëndimore i kanë thënë BBC-së se prania e ISIS-it në Irak është një kryengritje e sofistikuar, ndërsa sulmet e këtij grupi famëkeq terrorist po shtohen.
Militantët janë bërë tashmë më të shkathtë dhe më të rrezikshëm se al-Qaeda, sipas Lahur Talabanyt, një zyrtar i lartë i kundër-terrorizmit kurd.
“Ata kanë teknika më të mira, taktika më të mira dhe shumë më shumë para në dispozicion,” tha ai. “Ata janë në gjendje të blejnë pajisje, armë, ushqime dhe mjete transporti. Teknologjikisht janë shumë më të zotë. Është shumë e zorshme që t’i heqim qafe. Kësisoj, ata janë si al-Qaeda me steroide.”
Shefi veteran i inteligjencës dha këto deklarata të errëta me një theks londinez – për shkak se kishte jetuar për kohë të gjatë në Mbretërinë e Bashkuar pasi familja e tij i kishte ikur regjimit të Saddam Husseinit, përcjell Periskopi.
Ai thotë se një soj tjetër i ISIS-it ishte ngritur, i cili nuk e kishte për qëllim të kontrollonte ndonjë territor në mënyrë që të mos ishte nën shënjestër. Në vend të kësaj – si paraardhësit e tyre të al-Qaedas më herët, ekstremistët po punojnë prapa skene, në malet Hamrin të Irakut.
“Kjo është qendra e ISIS-it tash për tash,” deklaroi z.Talabany. “Është një vargmal shmë i gjatë, dhe është tepër e zorshme për ushtrinë irakiane që ta kontrollojnë. Ka shumë shpella dhe vende ku mund të fshihen.”
Sipas inteligjencës kurdë vlerësohet se në Irak janë prej 4 mijë deri në 5 mijë luftëtarë të ISIS-it./Periskopi
