një minutë më parëShkarkimi i Trumpit: Tre dëshmitarë japin në transmetim direkt dëshmi shkatërruese kundër presidentit
Periskopi(7 vite më parë)
(7 vite më parë)Donald Trumpit i bënte më shumë për hetimin e rivalit të tij politik, Joe Bidenit, se sa për fatin e Ukrainës – sipas një dëshmie dramatike të dhënë nga një prej dëshmitarëve kyç në dëgjesën e parë publike të hetimit për shkarkim. Më pak se një vit ka mbetur para se Trump të përballet me […]
Më pak se një vit ka mbetur para se Trump të përballet me njërin prej kandidatëve demokratë për pozitën e presidentit. Kongresi filloi dëgjimet publike të mërkurën mbi pretendimet se Trump kishte abuzuar me pushtetin.
Në deklaratën hapëse, Adam Schiff tha se dëgjesat do të duhej të zbulonin nëse Trump provoi ta shfrytëzonte brishtësinë e Ukrainës, shkruan The Guardian, përcjell Periskopi.
Trumpi e mbushi llogarinë e tij në Twitter të mërkurën në mëngjes me klipe videosh të mbrojtësve të tij që sulmonin gjithë procesin.
Por, në dhomën e dëgjesave, dëshmia e re e lidhi Trumpin direkt me komplotin që i vinte kushte Ukrainës për t’i dhënë ndihmën ushtarake që ishte aprovuar paraprakisht nga Kongresi.
Bill Taylor, ushtruesi i detyrës së Ambasadorit amerikan në Ukrainë, dhe George Kent, zëvendës-ndihmës sekretari i departamentit të shtetit, ishin të parët që u thurën.
Taylor deklaroi se një prej ndihmësve të tij e kishte dëgjuar Gordon Sondlandin, ambasadorin amerikan në BE, derisa fliste me Trumpin në telefon në muajin korrik dhe se ky i fundit i kishte thënë që Trumpit i bën më shumë që ta hetojë Bidenin se sa të ndihmojë Ukrainën.”
Pas gjithë kësaj, sekretarja për shtyp e Shtëpisë së Bardhë, Stephanie Grisham, e bëri një postim në Twitterin e saj duke thënë thjesht “Mërzitshëm”. Edhe Trump e quajti “mashtrim” gjithë procesin. /Periskopi
